شوفوا لبس البنات هاليومين !!!! شو رأيكون؟؟؟؟

هلأ أنا ما بعرف .. انا يللي صايرة ما بفهم بالموضة ولا هو عنجد اللبس يللي طالع هاليومين شي مو طبيعي؟؟؟
يعني انا بتذكر اني تعلمت من صغري انو في شي اسمو لبس صباحي ولبس المسا ولبس السهرة..... وهي القطعة بتنلبس هون وما بتنلبس هونيك وهاد اللون حلو لهون ومو حلو لهونيك وغير هيك من هالحكي....
أما هلأ ما عم شوف غير سهرة يخزي العين
كلو شك وخرز وستراس وبرق.....
اما الالوان .. يعني الفوشيا والتركواز والاصفر الليموني فهدول ما خرج اعلق عليهون بالمرة.....
وكلو صاير متل لبس النوم
والعالم ما عاد طاقت تلبس شي فضفاض ولو نتوفة لوجه الله يعني مو اكتر
هلأ بعد كل هالتدييق والالوان والصرعة ....هدول الشباب يللي بالشارع مو يا حرام( وانتو فهمانين شو قصدي) ؟؟؟
انا بعرف الموضوع من وجهة نظر البنات لانو البنت عندها شهوة الظهور واستقطاب نظرات الاعجاب
ولتحقيق هيك شهوة مستعدة تلبس أي شي ( إلا من رحم ربي)
بس سؤالي ألكون انتو آدم....
انتو بتحبوا أنو يضللوا البنات عم يلبسوا هيك بالشارع ولمين ما كان ؟؟؟
ولا بتفضلوا انهون يحتشموا (ولو نوعا ما وبشكل نسبي) نظرا للأثر السلبي يللي بتركوا بنفسيتكون؟؟؟
افيدونا وهاتوا آراءكون لنشوف

بس المشكلة انو البنات مفكرين من نظرات الشباب انو هي اعجاب وحب وغرام وما بعرف شو
وما بيعفو انو بتجي بعد اللحظة يللي هي بتعدي فيها نظرة استحقار واستهجان
مع الاسف

اها
شو راي الشباب
ذكرتيني بمقال كتب في جريدة تشرين من شهرين تقريبا عن ظاهرة " التلطيش " عن الشباب
سال فيها عن راي البنات والشباب
والغريب ان معظم البنات اعترفوا ان الموضوع يعجبهم ولذلك يرتدون هذا الباس لتشجيع الشباب واثارة الاعجاب " كما قلتي تماما "
المهم:
وخليني احكي عن نفسي ( واعتقد ان رايي يمثل راي شريحة كبيرة من الشباب )
انا افضل الحشمة في الباس وللجنسين طبعا
فلست من محبي الموضة الصارخة الغربية الطابع الوافدة للشرق المسمى بالمحافظ والشرقي
ولكن الامر لا يتعلق فقط بالباس فمنظر الفتيات على طاولات المقاهي والأركيلة بايديهن وحده يثير سخط الكثير
ولكني بالوقت نفسه لست مع الحشمة المتطرفة كالتي في بيئتي
فالمراة تنظف الشارع العباءة الطويييييييييييييلة
وتردي النظارة الشسية على العينين الساعة 12 مساءا خوفا ان يراهم احد " وهذا ملفت للنظر اكثر "
فاللباس المعقول المحترم " صدقا " يثير اعجاب شريحة كبيرة من الشباب خصوصا اذا اقترن بالشخصية المتوازنة العقلانية البعيدة عن
كل البعد عن تصرفات اغلب البنات هذه الايام وعذرا سلفا

هذا رايي انا
ولكل منا رايه الخاص

sa7e7 klamk rasheed hl2 mo36'm albnat ema 3al t32ed aw ma fe 8em aw she tany abadan
3njad she byza3el l2no n7na b syria w no3taber balad eslamy w n7na al3arab yle al kl byshhadlne b tary5na lek hl2 sho 9ayr fen!!!!!!!
al 7amdella eno emy mo hek w mshenty 3al6are2 alsa7

انا بنظري البنت بتسقط من عين الشب او من المجتمع بشكل عااام من ورا لبس الموضة وتقلييد الغرب
في كتير اشياء تهتم فيها البنت لتلفت الشب عليها
المهم ما تخلي اللبس الشيء الغالي رح ييجي يوم وتسيري ارخص منه ""لسمح الله""
وهااااد رأيي

أنا بالنسبة لألي لبس الشب أو البنت ما بهمني
يني مو ضروري وحدة بتلبس قصير ومشيته غلط
( هلأ هي بعين الناس منظرها غلط وكل واحد بحكي عليها ساعة هي كذه وكذه الخ.....)
ممكن وحدة متحجبة بس من جوه مو نضيفة
وأنا برأي انو الواحد مالزم يطلع عالشكل المهم الجوهرة يلي جوه
أشعر بدوي على هالسيرة

عزيزي احلى friend بالاول اهلا فيك معنا
تأكد أني أنا اجد نفسي أصغر من اني أقيم أو اشير بأي ايماءة سوء لأي أحد
وما كان قصدي من الموضوع الكلام عن الخوالتيم لأنها بيد الله عز وجل فلا يعلم مافي القلوب إلا هو
بس انا كان سؤالي محدد هل الشباب بيعجبهون هالصرعات الطالعة باللبس (بغض النظر عن الجوهر) أو لأ
بدي رأيك بهاد الموضوع

ShaBaBlik كتب:عزيزي احلى friend بالاول اهلا فيك معنا
تأكد أني أنا اجد نفسي أصغر من اني أقيم أو اشير بأي ايماءة سوء لأي أحد
وما كان قصدي من الموضوع الكلام عن الخوالتيم لأنها بيد الله عز وجل فلا يعلم مافي القلوب إلا هو
بس انا كان سؤالي محدد هل الشباب بيعجبهون هالصرعات الطالعة باللبس (بغض النظر عن الجوهر) أو لأ
بدي رأيك بهاد الموضوع

أكي لأ
بس المشكلة انو في بعض البنات بيسمعوا انو الموضة هيك بلبسو هيك وعلى جنان شو ما كانت الموضة
حتى لو اللبس بيضحك يعني ما بعرف عوجة

تقبل مروري