إلى كل حواء ....انتبهي من الذئاب البشرية

طيب فيي افهم ليش عم بتصوروا انو الشب ديما هوي الذئب و البيت ليلى
هاد الحكي ابدا مو صح و كتير كتير مرات بتكون البنت هيه الذئب
اكيد مستوى النت عم ينزل عن اول ما بلش لانو حاليا صار ب كل ايدين العالم و كل شايف منوا الجانب بس التعارف و الشي مو منيح بين الشباب و البنات
و صدقيني اذا حابة الموضوع يكون صح اكتر حكي عن كذب الي ع النت بلا ما تحددي الجنس لانو الذئب الوا الجنسين
و ب الاخير انا من هون من سوريا بشوف فيها شوية كذب القصة خصوصي ب ناحية الاتصالات لانو كتير كتير كتير صعب الحصول ع الرقم

عزيزي طوني خليني وضح انو القصة هي بدول الخليج يعني جماعة عندون الانترنت النار عالبلاش
واصلا عموما بسوريا ولله الحمد شعبنا مو كتير فاضي لهيك تفاهات متل المحطات الغنائية يللي بتكسب ارباحها من التشات برسائل الموبايل لعدة اسباب منها غلاء الاتصالات وقلة الوقت والمصاري ومن ناحية تانية بظن انو عنا وعي وأخلاق اكتر أو هيك بتأمل عالأقل...
الشغلة التانية أنا بالاساس الهدف من الموضوع أني أوضح أحد الأساليب القذرة يللي ممكن تتبع عالانترنت للضحك على طرف من قبل طرف آخر.....هلأ أكيد مو دايما الشباب هنن اضحية لكن بظن أنك بتوافني أنو الأغلبية هنن شباب ...وإذا بدك أحيانا الشباب نفسهون بتسلو وبيضحكو على شباب باسماء بنات
أنا بصراحة بشوف أنو (من دخل الشبهات اتهم) يعني لما انا كبنت أو كشب بدخل على موقع تعارف فيو آلاف الاشخاص والهدف منو مجرد طق الحنك لازم اتوقع صادف فيو كلشي...أكيد الناس مو انبياء
أنا شخصيا بفضل يللي بيحب يحافظ على حالو سواء كان بنت أو شب ما يدخل لهيك مواقع بالاصل وما ينتسب لهيك (تافهة)وعم تعمل تشات عالموبايل مع شباب ما بتعرفهون
بالنتيجة أنا ما عم قول أنو البنت كانت منيحة لكن الشب طلع تجاوز مستوى الدناءة المتوقع منو
أما St@r مع الأسف يمكن رح يبقى الحب هو الكذبة الوحيدة يللي بتتمنى البنت الطبيعية (مو الكذابة) أنو تنخدع فيها حتى لو من شخص غريب (نظراً لأنقراض هذه السلعة من الأسواق المحلية)

طيب اناهلأ رح اعطي رأيي بالموضوع
اولا هي النت هي يللي حطت حالها بمكان مو نضيف من البداية لذلك كان من الطبيعي أنو تتعرض لهيك أوساخ
تانيا يعني عم تعمل تشات عالموبايل بالتلفزيون وما بتحكي مع شباب عالماسنجر!!! شو على مين عم تضحك هي؟؟
تالتا هي المفروض مجرد انو تعرفت عليه بهيك مكان لازم تتوقع شو نوعية هاد الشخص لانو معروف شو هدف يللي بيدخلو على هيك مواقع او محطات
تالتاوالاهم تقريبا 99.99% من الرجال لاااااااااااااااااااااا يمكن أنو يحبو بنت بدون ما يعجبهون شكلها فهي شلون ممكن تقتنع انو ممكن يطلب وحدة للزواج بدون ما يشوفها!!!!
يا كانت غبية يا عم تتغابى
بالنتيجة انا برأيي كان تتركوا يحكي مع اهلها ويقول يللي بدو ياه وما تعمل يللي عملتو لأنو حتى لو دبحوها اهلها بيضل شرفها محفوظ على الاقل
ما بعرف هاد رأيي
والله لا يوقعنا بأيد ابن أو بنت ....

تتعقيبا على كلام ShaBaBlik

طيب اناهلأ رح اعطي رأيي بالموضوع
اولا هي النت هي يللي حطت حالها بمكان مو نضيف من البداية لذلك كان من الطبيعي أنو تتعرض لهيك أوساخ


مو نضيف انا بعترض عالتعبير فشات التلفزيون هو وسيلة سهلة ورائعة تستخدم بعدة امور ولكن شعبنا بيستخدمها بامر خاطئ دوما
تخيلي تهنئة بعيد ميلاد او تابعي الشات على احدى المحطات المراقبة بشكل فعال او لتقل محطة دينية لتعرفي الفائدة منه

تانيا يعني عم تعمل تشات عالموبايل بالتلفزيون وما بتحكي مع شباب عالماسنجر!!! شو على مين عم تضحك هي؟؟ صحيح
تالتا هي المفروض مجرد انو تعرفت عليه بهيك مكان لازم تتوقع شو نوعية هاد الشخص لانو معروف شو هدف يللي بيدخلو على هيك مواقع او محطات

كمان بسجل اعتراضي هالمواقع مكان للتسلية ومكان حلو للتعرف على اراء مختلفة وطباع عالم وامم ولكن يجب الاختيار بعناية

تالتاوالاهم تقريبا 99.99% من الرجال لاااااااااااااااااااااا يمكن أنو يحبو بنت بدون ما يعجبهون شكلها فهي شلون ممكن تقتنع انو ممكن يطلب وحدة للزواج بدون ما يشوفها!!!!
يا كانت غبية يا عم تتغابى

ممكن ولكن الاذن تعشق قبل العين احيانا رغم اصراري على سهولة الكذب بالكلمات

بالنتيجة انا برأيي كان تتركوا يحكي مع اهلها ويقول يللي بدو ياه وما تعمل يللي عملتو لأنو حتى لو دبحوها اهلها بيضل شرفها محفوظ على الاقل

كلام صحيح مليون بالمية

ما بعرف هاد رأيي
والله لا يوقعنا بأيد ابن أو بنت .... وفهمكم كفاية

مو نضيف انا بعترض عالتعبير فشات التلفزيون هو وسيلة سهلة ورائعة تستخدم بعدة امور ولكن شعبنا بيستخدمها بامر خاطئ دوما
تخيلي تهنئة بعيد ميلاد او تابعي الشات على احدى المحطات المراقبة بشكل فعال او لتقل محطة دينية لتعرفي الفائدة منه

انا اكيد بالاصل ضد مبدأ التعميم ومتل ما بيقولو (التعميم من العمى) وانا اكيد ما عم احكي عن الجوانب الجيدة من تشات التلفزيون...انا عم احكي عن نوعية معينة والكل بيعرف هي النوعية من المحطات يللي ما فيها حتى برامج...هي مجرد محطات على ما انتبهت انو مافي برنامج مجرد طول النهار اغاني وتشات وفقططططططط
[quote]كمان بسجل اعتراضي هالمواقع مكان للتسلية ومكان حلو للتعرف على اراء مختلفة وطباع عالم وامم ولكن يجب الاختيار بعناية[quote]
امممممممممممم بظن اذا عرفتو عن اي محطات عم احكي (المشكلة اني مو حافظة اسم ولا وحدة ) المهم هنن من المحطات يللي يكتبو فيها حزورة (ليش البقرة زعلانة وبدها تنتحر؟؟....واحزر الجواب يا شاطر وراسلنا واحكي معنا) ومدري شو كمان من هي السخافات...ما بظن انو تكون مكان للتعارف السليم ...واكيد اناما عم احكي عن الماسنجر لانو هاد البرنامج من اعز اصدقائي
لكن بالنتيجة يللي انا متاكدة منو انو هي محطات مشبوهة ومو معروف سبب او مصدر تمويلها(ولا تقلولي انو انا من جماعة نظرية المؤامرة) لانو يللي بيراقب الوضع الاعلامي بالعالم العربي بيكتشف انو لا يمكن يكون يللي عم بيصير (خبط عشواء) إنما هي خطة مدروسة لهدم اجيال بكاملها اخلاقيا ودينيا وطبعا تمت المساعدة من قبل المرتزقة واصحاب المصالح والنفوس الدنيئة......وبس