بتكون قاعد بامان الله عم تتفرج على فلم عم تستنا فيه من اسبوع ليطلع بفوت ابوك بقلك شو عم تتفرج على فلم ....... لا عم بتفرج على برنامج ارضنا الخضراء ....((وكل هالتسميعة بتكون مشان يقلب عالجزيره او العربيه مشان يسمع اخبار طول النهار قاعد يسمع فيها)) عكلن اذا كبر ابوك خاويه .
هي خالصين منها ..
بتطلع بميكرو(سرفيس) وبتحط هيك وبتطلع ( خمس ليرات) وبتعطيها للي ئدامك، وبكل برودة بيئلك: واحد ؟
لأ 60 !!!!!!!!!!!!!!!!!؟ ورجعلي الباقي
بدك تنزل من الميكرو: عاليمين زكاتك.... بتتلقى الرد: نازل ؟؟
لا والله بس عم جرب صوتي.
كمان ...؟؟
مذيعة بيوم العيد عم تلفلف بالشوارع وتتلظى ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب..
لا والله بالعادة بفكر العب طميمة وماروح لعندهم ..
نفس المذيعة بتشوف ولد بالشارع وبتساله؟ حبيبي بتحب البابا والماما؟
لا مابحبهم , بحب البوسنة والهرسك
و بعدين ..؟؟
حاطت راسك ونازل دحي بهالكتب والدراسة، بيجي أبوك أو امك...: عم تدرس؟
لا والله ...!! عم غير زيت للسيارة
أففففففففف..
حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وشهم علائم الإستغراب والدهشة: بدك تحكي بالتلفون؟
لأ شو إحكي !!! بس كنت عم جرب صوت طنة الأرقام.
شي بجنن عن جد ..
لابس أحلى لبس عندك ومتعطّر وشايل المفاتيح وجزدانك و طاير لبرا البيت،
بيجي حدا من أهلك بيسألك، شو رايحلك شي مشوار !!؟؟
لا والله طالع عالأسطوح صلّح الدش
بسيطة ولوووو ..
معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا ؟؟؟
لا والله لساتنا عالطريق، في زحمة بالشارع ..
مطمطرء بتختك ونايم ومطفي الضو ومتغطي بالبطانية وتمك مفتوح متل مغارة جعيتا،
بيجي واحد من أهلك بيفتح الباب ويقول :شو نايم ؟؟
لأ !! عم ارقص.. بس الوضع بيوحي إني نايم..
-----------
بس أنو شو من شان المذيعات السوريات .. يلي أخف من النسمة علي قلبي .. و خاصة بأيام العيد .. (كل عام و أنتو بخير بمناسبة كل شي جاية أعياد) ..
ليش مذيعاتنا دائما عندون نفس الأسئلة؟؟
ليش كل الشعب حفظان شو هي الأسئلة؟؟
ليش ما بتتغير هالأسئلة؟؟
يعني المذيعة بتروح على شي حديقة أو شي مطرح متجمعين فيه الأولاد الصغار بالعيد..... وبتبلش بالأسئلة الفذة تبعونها....
اشتريت لبس جديد على العيد حبيبي؟؟؟
يعني شوبتتوقع يقولها؟؟
لأ...ما اشتريت لبس جديد....
هادول سرقة من على حبل الغسيل تبع الجيران
ولا بتتوقع يقولها
أخدت لبس أخي الكبير تبع السنة الماضية ولبستو...؟؟
طيب بركي فعلا كان في ولد هيك وضعو.... ليش حتى تسألو وتكسرلو نفسيتو قدام بقية الأولاد
شو بتشتري بالعيد...شوكولاته وأكلات طيبة؟؟
لا والله...على العيد بشتري شوية حشيش...وبنقعد نصطهج فيون أنا ورفقاتي.....
وبعدين بنأرجل.... وبناخدلنا كاسين
يعني الولد الصغير شو بيحب يشتري وياكل؟؟ مجدرة ولا عدس بحامض؟؟
شو بتعمل بالعيد احكيلنا حبيبي....بتلعب بالمراجيح؟؟
لأ أبدا...ما بقرب صوب المراجيح....بالعيد بروح بلعب مصارعة رومانية...وشوية تايكواندو....
بتلعب مع أصحابك بالعيد؟؟
أعوذ بالله... شو مع أصحابي... أبدا... بنزل بلعب مع شوفيرية التكاسي والزعران...
مع مين بتحب تروح بالعيد؟؟ مع ماما ولا بابا؟؟
لا و الله بشوف شي شوفير هونداية بطلع معو
احكيلنا ...وين بتروحو بالعيد إنت ورفقاتك... حبيبي....؟
منروح عل مدرسة اكيد
طيب مذيعاتنا المهمات... ما عبيلاحظوا كيف الولد عبيتلعثم...
وعبيتلبك... وما عبيعرف يحكي... ومالو رايد يحكي....
وبلشت تشط ريالتو من العبطة... وما عبيطلع صوتو....وما عبيحكي شي....؟؟؟
هالمذيعة الحنونة هاي.... ما عبيطلع من خاطرها تترك الولد بحالو؟؟
ما عبتلاحظ إنو الولد ما بدويحكي....؟؟
لك اتركيه بحالو....
ما عبتلاحظ المسكين قديش انعبط ومتدايق
وعلى شوي راح يبكي بدو ماما... نزعتلو العيد وأبو العيد....
إي شو هالحنية الزايدة هاي؟؟
يحرق حريشون على هالأسئلة
» مرحباً بصديقتنا زهرة ياسمين
» تحـيه لصدقيتنا الجديدة rafika
» مرحباً بصديقنا الجديد "هاكونا مطاطا"
» كل عام وانتم بخير وكل عام وانتِ حبيبتي
» فيلم الحياه في يوم
» أهلا بصديقتنا khloud
» حشرة تجلب الملايين لمصر .. ممنوع قتلها
» ماذا بعد ؟؟!!
» Join My Group