فش خلقك معنا و شاركنا همك

ربما هناك من منا تعرض لبعض المعانة في حياته الشخصية , أو ربما لموقف محرج وضعته في كف الحيره و الخجل و التفكير في ما حصل , أو تعرض لمواقف غامضة مازال يبحث عن إجابه لها ليومنا هذا , وذاك الذي تعرض لمواقف أضربت نار الجراح في صدره ونار الندم والآلم.

يمكن أنا بعتبر هل الموضوع وسيلة دعم لبعضنا من خلال مناقشة الموضوع و إعطاء رأي الطرف الآخر أو يمكن وسيلة من خلالها الشخص بيحكي بالشغلات يلي كانت مكبوته بصدره و بفرغها ويلي ما قادر يحكيها و بالتالي رح يرتاح بعد ما يحكيها.

يعني و المطلوب :
بعد هل المقدمة هي بدي من الكل يفش خلقو ويكتب شغلة من هل الشغلات صارت معو و مأثره فيو سواء كانت أحداث قديمة أو حديثة و إذا ما حدى حابب يكتب شي يا ريت يكتب انو ما حابب يحكي لحتى نعرف.

انا رح اكون جريئه وأحكي
بس بالعاده انا بسكت وبصبر ما بحب احكي
انا مثلا نجحت في البكالوريا وجبت معدل كتير عالي حمدلله وفي بعض ناس من القرايب ما حكولي مبروك ولا حتى تلفون
انا ما زعلت بالعكس بس حزنت ع بابا الي ما حد شاركو هالفرحة
وانا مبسوطه بمشاركة الناس لفرحتي او لا
وشكراا

ST@R كتب:

ما شالله يعني ما حدى عندو شغلة معلقة بذاكرتو مأثر فيو أو شي قصة ..... يعني نشفتو البحر

انت صاحب الموضوع
خلينا نبدا من عندك
تفضل خبرنا

احتراما لرغبتك ST@R فأنا رح قول أنو أنا ما بدي رد عالموضوع

انا بالنسبة الي
كنت اضحك على البرامج يلي بالراديو تبع فشة خلئ
لان ما بتعطي نتيجة هيك بحسا
يعني معئول احكي ئصة مدايئتني بسطر او تنين او بكلمة او كلمتنين واد ما جرت اشرح وطول ما حتطلع متل مو بألبي
؟؟؟؟؟؟؟
شي صعب
بئا بنظري هي نفس الشي كرمال هيك ما عندي رد عالموضوع بس بظن بشكل عام ما حدا مرتاح بحياتو والكل عايش على امل ولولا الامل كان ناس كتيرة انتحرو

وبالنسبة لسارة عندي تعليق
هالشي يلي صار معك عاااااااااااااادي كتير انا صار معي كتير من عيلتي ما حدا باركلي وتدايئو اهلي انو معئول نحنا بكل مناسبة بفرح او زعل منوئف جنبكون وانت ببنتنا الوحيدة ما باركلونا
بس اخدنا درس من هالشي وعرفنا مين بعزنا ومين لاء
وبالاخير المهم انا يعني ما يهمك حدا كملي دراستك وما تدئئي ع حدا

في كتير شغلات او مواقف بتصير معنا بس ما منكون حاسبينلا حساب او اشيا بتدايئنا وما منئدر نحكيا
اوئات منستنى من كتير ناس تئلنا اسفين مع انو ما بهمنا اذا اعتذرو او لاء
بس منحب نسمع هالكلمة ل حتى نتذكرون بالخير على الئليلة
انا من جهتي بهالمدونة وهالموضوع يلي اسمو فشة خلئ
حئول اسفة ........يمكن ناس ما يسمعوني ويمكن ناس يسمعوني بس بهمني اني وصل هالكلمة
وبالاخير الحياة مستمرة واذا ناس ما تفاهمو حيجي ناس احسن منون يفهمونا
الحياة حلوة والضحكة حلوة والنفسية احلى حلو الشخص تكون شخصيتو بتجنن
وكلكون هون ماشالله ما في حدا منكون بينعاب بشي
ابداااااااااااااا
والله يختركلون الخير وين ما كان وانشالله كلنا منضل على تواصل ورفئة دائمااااااا حتى لو كنا ما منتواصل غير هون على هالموقع وحتى اذا صارت ظروف وتركنا هالموقع بس حاتضل ذكرى حلوة وايام حلوة

[color=red]t;rasheed84ا
سابدء من كلام السيدة SOUL_Y ووصفا لبرنامج فشة خلق اللذي وحسب وصفها بدون فائدة
سيدتي
ربما لم تتهوي يوما بافكار تجعلك تدورين في دوامة من الأسئلة
ربما لم تحتاجي يوما لطرف بعيد لايعرفك لتبوحي اليه بما يجول في داخلك
سيدتي
اتابع البرنامج من سنوات واعلم كم من شخص ساعد لمجرد اعطائه الفرصة بالكلام
وكم من شخص ساعد لمجرد سماع مشاكل اللآخرين والتي يمكن ان يتعرض لها اي منا
وكم .... وكم .... وكم ...
[/quote]

مين منا بحياتو كلا ما اجتو فترة مرء بدوامة الاسئلة ؟
شي طبيعي ومريت بهي الفترة
بس بفضل اني اسئل ناس ئراب مني ائدر اشرحلون الئصة ويكون بيعرفو تفاصيل معينة من الئصة
مو اسئل مذيع او مذيعة عالراديو حيعطيني مجال للحكي ب 10 دئايئ ان كترت وبالاخير حيئلي كلمتين حسب ما فهم اما الله يكون بعونك او كوني ئوية او ....... شي من هالحكي يلي ما حيعطيني حل او مساعدة
وبصراحة انا من النوع يلي وئت اتدايئ بكتوب كرمال هيك مالي من انصار الحكي
وتاني شي اكيد بحتاج لطرف بعيد ما بيعرفني او بيعرفني
بس انا من النوع يلي بفضل اذا على مثال الحب انو الشب يعترف بحبو للبنت بئا انا ضد اني اطلع على برنامج وئول انا بحب هالشخص او اي نوع بيشبه هالطريقة او هالموضوع
بعتذر بس لهلئ ما عم ائدر اقتنع بهاد النوع من البرامج
وبالاخير وجهات نظر