شو اكتر عادة سيئة عندك وقت الامتحان؟؟؟

كل انسان الو عادات ا امتحانية تختلف عن غيرو
بس في بعض العادات بتعمللو مشاكل.....انا سمعت بعض العالم بتصير تقطع شعرها كتير
وفي عالم بتبطل تاكل بالمرة
وفي ناس تبطل تقدر تنام
وانتو شو اكتر صفة امتحانية فيكون بتزعجكون وقت الامتحان؟؟؟

انا عندي صفتين بتدايق منون
الاولى بتدايقني شوي وهي أني ما بقدر أدرس وفي حدا بالغرفة حتى لو كان ساكت وما عم يعمل شي
يعني لازم يكون الهدوء كاااااااااااامل وشااااااااامل لما بدي ركز
بس انا ما بتدايق كتير من هيك صفة لانو بيتنا بطبيعة الحال كتير هادي.....يعني الوضع ترتيبتي أصلاً
الشغلة يللي عنجد بكرها بحالي أنو وقت الامتحان نظام الأكل عندي فيفوت بالحيط
يعني ما بعرف حالي جوعانة ولا شبعانة
تصدف احيانا اكون عم ادرس ومركزة كتير فجأة بحس بالجوع ......لما أوصل للمطبخ بكون شبعت بغير رأيي وما بآكل
شي غريب ولهلأ ما بفهم ليش هيك بيصير معي !!!!!
بناء على ذلك بتضل ماما ملاحقة شغلة الاكل عندي طول وقت الامتحان

انا بوقت الامتحان بحس بجوع كبير
يعني بتقدرو تقولو انو بضل باكل وما بشبع

على فكرة انا عضو جديد معكم
وهي اول مشاركة الي
وبتمنى تقبلوني بعيلتكم

BLACK كتب:انا بوقت الامتحان بحس بجوع كبير
يعني بتقدرو تقولو انو بضل باكل وما بشبع

على فكرة انا عضو جديد معكم
وهي اول مشاركة الي
وبتمنى تقبلوني بعيلتكم

اهلا فيك معنا

Welcome Mr.BLACK
فيك وبمشاركاتك وبمواضيعك كمان

انا اكتر شغلة سيئة عندي وقت الامتحان اني بنام بوقت الامتحان كلو وبفيق قبل ما يخلص بخمس دقايق مشان جهز حالي اطلع من الفحص لاني ما بعرف شي

انا قبل فترة الامتحانات بيصير معي تشنج بمعدتي ووقت الامتحان ببرد كتيرررررر ما بعرف ليش

SOUL_Y كتب:انا قبل فترة الامتحانات بيصير معي تشنج بمعدتي ووقت الامتحان ببرد كتيرررررر ما بعرف ليش

له له له
لازم تاخدي حرام معك عالامتحان

rasheed84 كتب:

SOUL_Y كتب:انا قبل فترة الامتحانات بيصير معي تشنج بمعدتي ووقت الامتحان ببرد كتيرررررر ما بعرف ليش

له له له
لازم تاخدي حرام معك عالامتحان

انا بكون دارسة منيح الحمدلله
بس باكل اظافري
وما بنام ليلة الأمتحان بس بضل استنا الصبح
وبضعف كتيييييير لأنو لا اكل ولا نووم

وبسير بدي اهتم بأشياء ما بهتم فيهاا
وهيك اشيااء

شكرا للموضوع

تحياتي