العييد

سلام
اخبارتكم ؟؟
كيف الصيام معكم؟؟؟
ايام وبنودع رمضان
وبيجي العيد

و هالايام بلشو الناس يعملو كعك العيد <<متلنا احنا
وفي ناس ما بتحب تشتغل بالبيت
بتشتري جاهز من المحلات <<مو زاكي
طبعا احنا اشتغلنا فيه اليوم
وانا كان علي التنئيش <<لاني مابعرف غيره

وضليت شي ساعتين
شي متعب

بس الحمدلله طلع شكله بجننننننن
ولا ريحته وهو عم ينخبز ولا اروع
مو مصدقه يجي الفطور لحتى اكل منه



خبرونا
بتحبو شغل البيت ولا جاهز؟؟
هالايام صار الجاهز غالي و مو كتير زاكي
بتساعدو بشغله ولا ما بتعرفو شي متل حالاتي ؟؟
شو بتفضلو اكتر التمر ولا الفستق ولا الجوز ؟؟
وكل عـــام وانتو بالف خير
وينعاد عليكم

انا ما بحب كعك العيد والمعمول وهذه الاشياء انا بحب الشوكلاه ومافي شي شغلة بتنعمل فيها انشالله كل عام والجميع بألف خير

مشكورة سارة

انا لما كنت اصغر من هيك كل عيد كنا نفتح نفس السيرة مع ماما
(الله يوفقك بلا نعمل السنة ونشتري جاهز)
ماما طبعا مستحيييييييييييييييل توافق لانو اولا شغل السوق مو طيب متل شغل البيت وكمان موضوع النظافة هاد شي اساسي وعلى قولة ماما
(ليش هاد يللي بدك تاكلي بتعرفي مين حط ايدو في ) يمكن معها حق
بس هي السنة كتير مميزة لانو فعلا حسيت بأهمية انو الواحد يعمل هيك اكلات بالبيت
الكعك والبرازق والقرص بعجوة والمعمول وغيرو وغيراتو ....السنة حسيت بدفى وانا عم اشتغل
يمكن هيك شغلات بتعطي دفىء للبيت والعلية (طبعا ماما بتضيف عالخلطة معلقتين من حبها دائما) وماما شغلها بيجنننننننننننننننننن
لذلك قررت انو انا كمان رح احافظ على هي العادة واضل عم اعمل هيك اكلات بالبيت
كل عام وانتو بخير للجميع

هلأ انا ما بعرف اذا بيساوا بالبيت ولا بشتروا جاهز لأنو ما بعود بالبيت


أنا بحب الفستق كتير طيب

وكل سنة وانتوا سالمين

عيدكم مبارك
واعاد الله علينا وعليكم هذا الشهر الفضيل بالخير والبركات

اما بخصوص الموضوغ

فنحنا اليوم عملن حلو العيدوطبعا انا مشارك اساسي كون العائلة لا تحتوي اي فتاه
يعني ماعندي اخت تساعد الوالدة فانا بساعدها

طبعا عملنا اكتر من صنف و انا هلكت تمام لأني كالعادة بشتغل بكل شي
بالكعك العادي والمحشي بعجوة وغيرو وغيرو وغيرو ........
بالإضافة اني كنت مسؤول عن الفرن طبعا

وطبعا واكيد شطف الأرض بالنهاية

وانا طبعا مرهق كتير هلأ بس دقت الحلو شي طيب تمام وبيستاهل كل التعب