^ عشنا و شفنا ^

عندك بيت لحالك ؟
لا والله ساكن مع اهلي وحابب اسكن مؤقتاً معهم او استأجر بيت (أيوووه قلتلي ما عندك بيت لكن طيب وهي أول خط أحمر)

بس دير بالك لا زم يكون البيت قصر ومفروش سوبر ديلوكس

عندك سيارة ؟
لا والله يعني انا هلا حاليا مباشر بعملي ولسى ما أسست حالي منيح وبتعرفو انتو وضع البلد كيف (بلا لعي وهي خط أحمر تاني بدك بنتنا تقضيها بالتكاسي)

بس ما حددو الموديل وسنة الصنع يا ترى مرسيدس موديل 80 بيمشي حالها او لازم همر H3

شو معك شهادات ؟ معك ماجستير - دكتوراه ؟ Suspect
آآآآه شووو لا والله يعني معي شهادة معهد ( وفرحان فيها كمان وهي خط أحمر تالت شو بدك العالم تحكي علينا مجوزين بنتهم لواحد معو شهادة معهد)

لازم يكون عالم ذرة بس انتبه ما يكون بيشتغل بالقنبلة النووية مشان بوش ما يرمل البنت حرام

طيب أديش راتبك الشهري ؟
راتبي ماشي الحال الحمد لله (ممممم فهمنا عليك وهي خط أحمر أكيد راتبك أد مصروف بنتتنا للتياب حاكم هي المدلله عنا)

اقل من 10000 دولار ما بيمشي الحال بس لازم يكون عندو محل ملابس لماركة عالمية مشان يكفي المعاش لآخر الشهر لأنو سندرلا كتير شيك

ونحنا بصراحة مهرنا غالي بتعرف انت هاد حقها للبنت مشان صار ما صار تقبر قلبنا تكون مأمنه على حالها يعني بدك تحسبلك حساب شي مو أقل من مليون يعني
آآآآه شوووو مليووووون

منيح ما حطو البنت بكفة الميزان وطلبوا مقابلوا الماس

التقرير :
والله ليك يا أبني انت مالك نصيب عنا بتعرف هل الايام البنت لازم تأمن حالها منيح (لأنو رايحه على معركة ما بقي غير يعملها تأمين شامل كمان) وعلى مستقبلها
بس تتوفر فيك هيك شروط أبقى تاع لعنا.

طبعا قصدنا المصاري وما في داعي نسال عليك وعلى سمعتك وامانتك مافي داعي يعني كون ؟؟؟ بس يكون معك مصار ويا اخد ؟؟؟ على مالو .... وفهمكم كفاية

بتتصل فيو حبيبتو بالليل وبتقلو شفت أهلي شو حبابين ياااااي وبعد مدة بتقلو ليش ما عاد جبت سيرة الخطبة حبيبي على لسانك شو بطلت بدك ياني ؟؟؟؟

طبعا بحبها المسكين بس ما باليد حيلة ما كان بيعرف انو كان رايح يخطب الأميرة ديانا من قصر باكنغهام

بس العجيب انو بس يروحوا يخطبو لأبنهم بدورا على بنت هي واهلها بدورو بس عالسترة


طبعا هي حالة مما يمكن ان يحدث مع اي شب
ولكن وللإنصاف هناك الكثير الذين يفكرون بالمعقول وبقدرات الشباب وما يهمهم هو راي الفتاه وسعادتها مع الشريك المستقبلي
والله يبعت لكل شب وصبية شريك بسر القلب والخاطر

عندك بيت لحالك ؟
لا والله ساكن مع اهلي وحابب اسكن مؤقتاً معهم او استأجر بيت
( يعني شوف هو قضية البيت شغلة كبيرة بس يعني لا مانع يكون عندو بيت عالعضم عالاقل وبيقدر يسترهن اربع خمس سنوات لبينما يكسي البيت يعني مو بالضرورة جاهز ومو ما عندو شي بالمرة )

عندك سيارة ؟
لا والله يعني انا هلا حاليا مباشر بعملي ولسى ما أسست حالي منيح وبتعرفو انتو وضع البلد كيف
(لشو السيارة ؟؟؟ اشبون السرافيس والتكاسي؟؟؟!!!!)
شو معك شهادات ؟ معك ماجستير - دكتوراه ؟
آآآآه شووو لا والله يعني معي شهادة معهد
( المهم عم تشتغل شغل محترم ومنيح .....هلأ صار المعهد ما يعجب حدا ...عشنا وشفنا والله )
طيب أديش راتبك الشهري ؟
راتبي ماشي الحال الحمد لله
( المهم تكون قادر تفتح بيت بالمعقول يعني )

ونحنا بصراحة مهرنا غالي بتعرف انت هاد حقها للبنت مشان صار ما صار تقبر قلبنا تكون مأمنه على حالها يعني بدك تحسبلك حساب شي مو أقل من مليون يعني
آآآآه شوووو مليووووون
( شو هاد ؟؟ مليون!!!! اي شو آخد بنت اليكن خيو؟؟!!!! يعني ربع المبلغ بيكفي بس لازم تجهزالبيت هااااا)

قولتكم بيرضوها على بنتهم وما بيرضوها على بنات العالم ؟؟؟
( طبعا ما بيرضو لانو بنتون اميرة وبنات العالم شغالات )
وبالأخير أكيد الأهل لازم يفكروا أنو يشتروا لبنتون رجال (مو جزدان متنقل)
وبيضل بالأخير الأخلاق الحلوة والدين السمح والتعامل الحسن والمحترم أغلى من كنوز الدنيا