هي مشان تمام ينبسط

مشان تعرف انو مو تقليد لعيونك بس نحنا احسن من البنات هنن 21 نحنا 20
1- اليوم كنت ناطر اتصالك على أحر من الجمر .
" بس لهلق تقوم تشتعل"
2- كل ثانية عم تمر في حياتي عم فكر فيكي ، ما عندي أغلى منك .
" ليش شووو .. عاملتلك سحر ! "
3- البارحة كنت عم بلعب طابة مع رفقاتي ، دخلت هدف صاروخي ، من قوتها و سرعتها ، الحارس ما قدر يصدها .
" ليكون أنا متعرفة على واحد من سحرة البرازيل و مالي خبر "
4- بصراحة يا حياتي ، إنك أكتر بنت ارتحتلك من بين ابنات يلي تعرفتن عليهن .
" أنا على راسي ريشة و غيري لا "
5- الشي الوحيد يلي هلق بتمناه إني كنت تعرفت عليكي من زماااااااان !
" حارتنا ضيقة ... و منعرف بعضنا"
6- أنا صارلي أسبوع عم بألفلك قصيدة و ياريت تعجبك ، بس على فكرة أنا ما بعرف أكتب أشعار ، بس عن جد يلي بيتعرف عليكي الكلام الحلو بيطلع لحاله .
" إضحاك علي لأشوف .. أكيد سارقها من شي كتاب"
7- ما ما بعرف ليش إنتي الوحيدة يلي قدرتي تأثري فيني .
" بقص إيدي إذا ما كان قايل هي الجملة لكل بنات سوريا "
8- لما قابلتك أول مرة ، ما توقعتك بهي الجمال ، و بهي الرقة .
" ليش شو كنت متوقع إنك تقابل دراكولا "
9- أنا بحب أهز الورد لشان أشم ريحة الفل و الياسمين يلي طالعة منك .
" شو قالوالك عني .. وردة ، و لا زهرة !"
10- صدقيني لما راح نتزوج ، راح أخليكي أسعد وحدة بالعالم .
" يعني عل الأساس حاطط فكرة الزواج في باله "
11- ما بعرف ليش أنا اليوم كتير متضايق ، و مالي طايق حالي ، بس هلق لما عم بحكي معك ، كل هموم الدنيا انزاحت من قدام عيني .
" و لله كويس خبرتني ، ما كنت بعرف إن إلي قوة سحرية لهي الدرجة ".
12- اليوم كنت سهران ، و لما طلع الضوء ، نظرت للسما ، شفت أحلى و أظرف بنت في حياتي .
" عن جد ، على حسب معلوماتي البسيطة ، أنا عايشة على الأرض ، مش في السما ".
13- لو سألتيني عن اكتر مكان بحبه في العالم ، على طول راح اقلك البحر .
" باينتك ما تفهم شي بالرومانسية ، كمان شو مناسبة هي الحديث "
14- ما بعرف ليش حاسس إن عضلاتي مختفية !.
" يعني بدو يفهمني إن جسمه رياضي ، بيجنن ، بياخد العقل "
15- كل دقة من دقات قلبي بتقلك بحبببببببك .
" العمى .. هي الجملة يمكن سمعتها شي 10 مراتبالمسلسلات و بالأفلام".
16- شفتي قلبي يلي مشتقلك كتير ، هي القلب خذيه لإلك كله و ما راح أزعل .
" حرام .. الشب عارض قلبه للبيع ! فهل من مشتري ؟.
17- لما يقول I Miss You ، يقعد يتفلسف عل البنت ، و بيحكيله كم كلمة أجنبية ، ما بعرف من وين لاطشها .
" لشان تعرف البنت إن هو مواكب الحضارة الحديثة "
18- بعرف بنات على عدد نجوم السما ، بس إنتي الوحيدة يلي أخذتي عقلي .
" بالمشرمحي ، إحمدي ربك إني عطيتك وجه "
19- من أول لحظة تعرفت علييكي ، حياتي كلها تغيرت ، و حاسس حالي عم بطير بالسما .
" ليش شو نبتولك جوانح .. و نحن مالنا خبر "
20- لو استخدمت أوراق الشجر كأوراق لكتابة حبي لكي ، و لو استخدمت ماء البحار و المحيطات حبرًا لأتغزل بكي ، لن أوفيكي حقك .
" برافوووووووو ..استمر عى هذا النحو ، قد تصبح في أحد الأيام كاتبًا ادبيا دايع الصيت "
(مع تحيات أحلى friend )